Hindi ako pikon
Hinding hindi ako pikon
Ayoko lang ng makulit
Hindi rin ako galit
Ayoko ng namimilit
Hindi ako masungit
Ayoko ng sumisingit
Huwag kang paulit-ulit
Hindi ako nagagalit
Mata ko ma'y nandidilat
At hindi naniningkit
Hindi ako magsusungit
Kahit ika'y busangot
At nguso'y pulupot
Hindi ako maaasar!
Huwag mong uulitin
at ika'y masasabon
Basta't di ako pikon!
Mang-asar may di tatalab
Katusuha'y tiyak papalpak
Maglupasay pa sa Hapon
Di magdiriwang maghapon
Wag kang makulit
Mata ko'y lapit nang maningkit
Wag mag-alala't di magsusungit
Huwag kang magpipilit
Baka bagang ko'y magdirikit
Kahit di ako maasarin
Ako'y nama'y madasalin
Pag ako na'y nanalangin
Iiwas mo na ang panga
Pagkat nanununtok din
Marunong lang umasinta
Magtago ma't magmatulin
mahuhuli ka rin...
Saka na ang paumanhin.
Hindi nga ako pikon!!
***
Ito'y tula lamang po. :)
