Ang Babae
Ang babae daw kapag nagagalit
Iwasan pagkat salita'y hagupit
Tamaa'y hwag magagalit
Bato-bato sa langit
Mananapak kapag sila'y kinulit.
Babaeng masungit
Ilagan mo't baka ika'y mapulbos
Sabunang walang habas
Mata mo lang ang walang galos
Wag galitin para lahi'y di maubos.
Di yan aatras itak ma'y di makagalos
Nuno mo'y siguradong aalsa at hahangos
Matalas na dila'y daig pang hinasang lubos
Hala, tumayo na at ikaw'y maghilamos
Bago ka pa makutos!
Babae kapag nagsusungit
Nguso'y nangungulot at mata'y nanunulis
Kilay ay salubong sa galit
Biloy ay lubog, ngipi'y nagngingitngit
Bibig nyan'y kuyom pilit.
***
