Ikaw Ang Ilaw Ng Tahanan
Nuong ako'y isilang
Walang muwang kaninong sinapupunan
ang sa akin ay magluluwal sa mundo,
batid naman ng damdaming
puno at nag-uumapaw sa galak
ikaw na aking ina'y biyayang taos-puso.
Pagkat pinagkaloob ka ng maluwat
kung kaya't ako dapat sa'yo'y magpasalamat,
dahil ika'y syang liwanag na busilak
ang sa aking buhay ay magpapaunlak
Ang biyaya at masaganang buhay
na di kulang sa simpatiya at alab.
Pagmamahal ipararamdam habang buhay
dakilang ina ikaw sa aki'y inalay
ng Poong Dakila para angking buhay
ay siguradong maging makulay.
Ikaw ang instrumento upang di mabuway
at ika'y ilaw na tanglaw sa aking buhay.
***
Pasasalamat sa mga 'Nanay' na naging instrumento para tayo ay isilang sa mundong ibabaw. Sa aking nanay...salamat!!
