Sa Iyong Kaarawan
Sa iyong kaarawang puno ng saya
Ligaya't galak na iyong tinatamasa
Huwag lilimutin ang mumunting dasal
Yung araw-araw mong inuusal
Kalakip ng taimtim mong panalangin
Pasasalamat sa ating Maykapal
Huwag maiinip sa mga kasagutan
Ang lahat nama'y isa-isang pinagbibigyan
May oras para sa mga nararapat
Matutong makuntento sa anumang sapat
Huwag maggahaman para di mamuhay ng salat
Sapagkat di ipagkakait sa iyo ang dapat
Hindi man palaring matupad
Lahat ng inaasam para sa sarili
Kalusugan, kaligtasan at kapayapaang hangad
Kadamay ang pamilyang mahal ay di isasantabi
Pagkat walang katumbas na bagay o anumang halaga
Ang sa kanila ay maitatabi
***
