Ang Pasko Ng Paslit
Pasko nitong paslit
Kahit na sila'y yagit
Hindi dapat iwawaglit
Di dapat parang pilit.
Mahirap man sa ngayon
Ika'y maging mahinahon
Pagkat tanging panahon
Pasko sa ati'y magbabangon.
Maliwanag sa mga mata
Maningning na mga tala
Puso'y di magluluksa
Pagmamahala'y magkukusa.
Mga paslit na huhumihiyaw
Sa galak ay sumisigaw
Kahit ice cream na ay tunaw
Kaligayaha'y di lusaw.
Sa pagbubukas ng regalo
Tahip galak ang matatanto
Sa aginaldo'y napapahinto
Nagigislap mga matang mugto.
Galak nila'y ikatuwa natin
Lahat ng pait kayang daigin
Pagmamahal ay ating bigkasin
Mananaig ang kabutihan sa atin.
