Kayod Kalabaw
Kung gumising ay napaka-aga
Kape't pandesal ay sapat na,
Sa ininom na 'sang basong tubig
Sa pawis pag natipon ay lalabis.
Bakit nga ba puspusan
Kung magtrabaho'y babaran,
Babad sa init, pawis ay tagaktak
Sikat man ang araw, tiyak babatak.
Basta trabaho'y kanyang tatapusin
Hirap at pagod ay titiisin,
Sakit ng katawa'y di iindahin
Kahit gumulong pa sa buhangin.
Ang kumakayod na parang kalabaw
May ibay at lakas na umaapaw,
Sa hangaring magtagumpay
Dala ang sipag hanggang kabilang buhay.
