Ang Maglalako Ng Asin
Ang tindera ng asin
Tinatakal ito ng masinsin
Bawat butil ay maalat
Sa bilao'y di makalat.
Sampu ang isang baso
Makakatimpla ng lasa
Kahit sa buong 'sang linggo
Di mauubos kung ika'y solo.
Bahog kanin na may asin
Ulam ng salat sa makakain
Di ipagwawalang bahala
Mauulam kahit ng pusa.
Asin man kung titingnan
Itatawid kalam ng tiyan
Pag-uwi sa kanyang tahanan
May kanin ng daratnan.
