Kaya Pa Ba?
Habang nakaupo't nanunuod sa kanya
Ang sigaw ng nag-iisa at nakaramdam ng dusa
Ng mga taong himihiyaw at humihingi ng pag-asa
"Kaya nyo pa ba?"
Kapag ikaw'y wala ng ginawa kundi ang kumayod
Sa maghapon di iniisip ang anumang hapo't pagod
Kapag ikaw'y araw-araw kinakalaman ng sikmura
Ang init at parusa'y di naman na talaga alintana
Kapag ikaw'y matagal ng nagsawa at napagod
Sa mga kasinungalingan at mga palusot
Kapag ikaw'y manhid na sa kakaantay at kakapatianod
Mga pangakong madami pa sa tala kapag pinapanood
Kaya Pa Ba?
Kaya Nyo Ba?
Kaya Nga Ba?
Kakayanin Ba?
Kaya natin ang higit pa!
Mga salitang di na tugma sa panahon
Pagkat ang nanahimik na nga minsa'y nagkaisang tunay
Gumagalaw na ng kusa kahit walang lagay
Papanig sa tama at tutulong maging gabay
Magiging maliwanag na tanglaw ng iba sa buhay
Para sa pagkakalihis ng mga landas maitamang tunay
Para dangal ng bawat isa'y di na mabuway
At di na mapariwara sa mga bulaang gabay.
***
Nakakapagod ang managhoy. Nakakasawa man sa pakiramdam dapat pa rin nating ipaglaban ang kagandahan ng mamuhay ng may dangal at puso. Huwag iisipin ang puro sakripisyo. Bagkus ay gawing gabay ang pagmamahal sa mga anak at gawai'y araw-araw isapuso.Ma.kulet man sa paningin, mamumulat ka rin!!
